गजल- सान रवि को

कति छिट्टै चुलिएको सान रबि को ।
कसले गर्न सक्छ यहाँ बयान रबि को ।

ग्रीनकार्ड अमेरिकी पासपोर्ट त्यागे उनि,
दिल खोलेरै गर्नु पर्छ सम्मान रबि को ।

सिधाकुरा जनतासङ्ग नछुटाइ हेर्छन,
विश्व भरी छरिएका फ्यान रबि को ।

कति चेली उद्दार गरे कालकोठरी बाट,
कसले भुल्न सक्ला र योगदान रबि को ।

भ्रष्टाचारी, चेली बेच्ने दलाल तह लाए,
तिनै बाट खतरा छ ज्यान रबि को ।

अशोक गौतम क्षितिज
बुटवल, रुपन्देही ।

Read More

गजल

होनहार युवा गांजा खायो, चुरोट पियो रक्सी पियो ।
मैले  नखा भने, तेरो के खाको छु भन्यो जवाफ दियो ।

आफ्ना बाउ-आमा बृद्धआश्रम मा लगेर छोडेको छोरो,
आफू बाउ बन्यो अनि बल्ल बाउ आमा सम्झियो ।

आफ्नै बाबु बाट बलात्कृत छोरी न्याय खोजिरहेछिन,
न्यायाधीश भन्छ  प्रमाण पुगेन र अभियुक्त छाडियो ।

होटलको कोठा कोठा जान्छ प्रहरी अनि छापा मार्छ,
र भन्छ यौनमा लिप्त दर्जनौं जोडी पक्राउ गरियो ।

खेल्दै गरेको अबोध बालकको गाडिले ज्यान लियो,
बिडम्बना गाडिमा "सेभ द चिल्ड्रेन" लेखिएको थियो ।

रेमिट्यान्स को पोखरीमा डुबुल्की मारेको ए सरकार,
स्वागत कसरी हुन्छ ? प्रदेशी रातो बाकसमा फर्कियो ।

अशोक गौतम  क्षितिज
बुटवल, रुपन्देही ।
३१ मे २०१८

Read More

गजल

हामी युवा खाडि तिर बांझै खेत बारी हरु ।
हलो जोत्छन घाट जान्छन परे पछी नारी हरु ।

परम्परा लोक संकृती लोप भए हिजो आज ,
भेटिदैनन् दौरा सुर्वाल गुन्यु चोली सारी हरु ।

जब सम्म मृत्यु दण्ड हुने छैन हाम्रो देश मा,
दिन दिनै बढ्नेछन बोका बलात्कारी हरु ।

चोर समात्ने प्रहरी नै चोर्न एक नम्बरी छन् ,
खै कसरी बिश्वास गर्ने पुलिस अधिकारी हरु ।

कर्णाली का जनता अब मर्ने छैनन् अल्पायु मै ,
रोकिनेछन झाडा वान्ता प्रकोप महामारी हरु ।

अशोक गौतम क्षितिज
बुटवल , रुपन्देही ।

Read More